Irridu nagħtu l-akbar kontribut possibbli lejn Unjoni Ewropea aktar reżiljenti, sostenibbli u ġusta.
Biex niżguraw li nkunu nistgħu nissodisfaw dik l-ambizzjoni, aħna nistabbilixxu għanijiet biex jiggwidaw ix-xogħol tagħna. Dawn l-għanijiet huma stabbiliti fl-istrateġiji pluriennali tagħna. L-istrateġija attwali tagħna tkopri l-perjodu mill-2021 sal-2025. Adottajna wkoll strateġija dwar l-intelliġenza artifiċjali għall-perjodu 2024-2025.
L-istrateġija tagħna għall-perjodu 2021-2025
L-istrateġija tagħna għall-perjodu 2021-2025 tistabbilixxi l-valuri, il-missjoni u l-viżjoni tagħna. Hija tiddeskrivi wkoll fid-dettall kif qed nippjanaw li nilħqu l-għanijiet strateġiċi tagħna.
Aħna għandna tliet għanijiet strateġiċi għall-perjodu 2021-2025:
Intejbu l-obbligu ta’ rendikont, it-trasparenza u l-arranġamenti tal-awditjar f’kull tip ta’ azzjoni li tittieħed mill-UE
Nimmiraw l-awditi tal-prestazzjoni li nwettqu lejn l-oqsma u s-suġġetti fejn aħna nistgħu nipprovdu l-aktar valur miżjud
Nipprovdu aċċertament qawwi tal-awditjar f’ambjent diffiċli u li qed jinbidel
L-istrateġija tagħna dwar l-IA
Fl-istrateġija inizjali tagħna u l-pjan direzzjonali ta’ implimentazzjoni tagħna dwar l-intelliġenza artifiċjali, nispjegaw l-użu tal-IA fl-awditjar, kif ukoll l-awditjar tas-sistemi tal-IA. Id-dokument jiddeskrivi l-għanijiet u l-objettivi tagħna, jipprovdi r-riżultati tal-analiżi tar-riskju li wettaqna, u jipproponi pjan direzzjonali dwar l-IA b’azzjoni konkreta li għandna nieħdu fl-2024 u fl-2025 biex nilħqu l-għanijiet tagħna. Dan għandu l-għan li jservi ta’ input għall-istrateġija pluriennali li jmiss tal-QEA.
